Legon

Oddiy yuridik ish — ariza yozish, jarimani kamaytirish, shartnoma tuzish — ko'pchilik uchun advokat qidirish, uchrashuvga borish va qo'lda hujjat to'ldirishdan iborat. Platforma bu yo'lni onlayn qilishi kerak edi: foydalanuvchi kerakli hujjat shaklini topsin, uni to'g'ri to'ldirsin, zarur bo'lsa advokatga ulansin va hammasi uchun onlayn to'lasin. Ayni paytda advokatlar tomoni ham kerak edi — o'z shablonlarini sotish, maslahat jadvalini yuritish va daromadini hisoblash imkoniyati bilan.

Django 5 backend va Next.js interfeysida ikki tomonli platforma qurdik. Hujjatlar moduli uch xil shablon turini qo'llab-quvvatlaydi (Word, rasmiy forma va AI-shablon); AI to'ldirish hujjatdagi to'ldiriladigan maydonlarni aniqlaydi va foydalanuvchi bilan suhbat orqali to'ldiradi, jarima hujjatlarini rasmdan o'qish ham mavjud. Maslahat oqimi — advokat jadvalidan vaqt tanlash, oldindan to'lov, chat va Jitsi orqali videouchrashuv, so'ng taqriz; maxfiylik qat'iy: to'lovgacha ikkala tomon bir-birining shaxsiy ma'lumotini ko'rmaydi. Pullik savol-javob, hujjat ekspertizasi (24 soatlik SLA), nizolar va qaytarishlar, kurslar, huquqiy kalkulyatorlar (aliment, davlat boji, ish haqi, soliq) va sud ishlarini kuzatish moduli ishlaydi. To'lovlar Payme, Click va Paylov orqali (saqlangan karta va avtomatik obuna bilan), Telegram boti va Telegram Mini App alohida kirish nuqtasi sifatida qo'shildi. Advokatlar uchun daromad hisobi, ushlab turish muddati va to'lov so'rovlari moduli qurildi. Interfeys to'rt tilda: o'zbek (lotin va kirill), rus va ingliz.

Foydalanuvchi hujjatni topishdan to'lovgacha, advokat esa shablonini sotishdan daromadini olishgacha bo'lgan yo'lni bitta platformada bosib o'tadi. Tizim 35 dan ortiq moduldan iborat: hujjatlar, maslahatlar, to'lovlar, obunalar, savollar, kurslar, nizolar, moderatsiya va audit. Shaxsiy ma'lumotlar shifrlangan holda saqlanadi, har bir to'lov va huquqiy harakat auditda qayd etiladi; interfeys to'rt tilda, shu jumladan kirill alifbosida ham ishlaydi.